閒悠。館 (已結業)

晚饭时间，随便找一间餐厅解决。见门外Menu有大根猪软骨定食 ，见佢价钱又唔算太贵，决定一试。店入面坐位宽敞，侍应服务态度非常好，上菜速度都快。上菜再睇下卖相，都好似日式嘅摆盘，望落去都几吸引，点知一起筷就出事。1. 味增汤，淡淡嘅味道，属于清汤嘅类别，饮前都搅一搅番匀先饮，都系冇咩味道。2. 跟餐室温饺子，味道就普普通通，就算热都唔会好加分果只。3. 主菜大根猪软骨算系加分位，不过都系唔够热，肉质系腍嘅，味道都够，但最大问题都唔系响肉果方面，系白萝卜出晒事，状态系硬，筷子都要好用力先分得开佢哋，咁谂都唔驶谂都知道唔会入味得去边，完美演绎一旧冇味硬生生嘅萝卜。呢间餐厅系我觉得同场最失望餐厅，我相信暂时未揾到对手，希望下次帮衬果时有所改善，如果再有下次的话。