影片
更多
2021-10-08
1159 浏览
每次朋友生日就係我大出血嘅時候😬今次佢指定要食呢間位於ICC嘅西餐廳, 唯有滿足佢嘅願望喇🤣Odyssee位於ICC嘅101樓，當日我地特別request左窗口位置，落地玻璃下係百看不厭嘅維港景致❤️可惜嘅係當日霧霾比較嚴重，景色望落稍為有點朦朧。餐廳主打創意法式料理，以佢地嘅檔次黎講，lunch set嘅價錢非常之抵食！我地今次就揀左✨3 courses ($440)✨包含左前菜、Main同甜品。係上菜前先黎一籃熱辣辣嘅Sourdough, 麵包嘅外皮香脆，內裡則軟熟得好似海綿一樣，酸味適中，為成餐飯鋪墊咗一個唔錯嘅開始。✨Creme Brulee 呢道Creme Brulee並非平時食開嘅法式焦糖燉蛋，而係以磨菇制成嘅創意料理。菜式表面鋪滿左青蘋果同煙肉粹，下方則係以法國磨菇制成嘅布甸；神奇嘅係佢冇加入任何雞蛋，卻做到燉蛋般嘅細滑口感，令人非常驚喜。✨Perigord Duck Foie Gras (add $180)廚師將鴨肝煎至剛熟，外層金黃香脆，入面軟滑細膩，油香十足；配以烤松茸同無花果作side dish, 味道非常唔錯。✨French Suckling Pig比較令我失望嘅
Odyssee位於ICC嘅101樓，當日我地特別request左窗口位置，落地玻璃下係百看不厭嘅維港景致❤️可惜嘅係當日霧霾比較嚴重，景色望落稍為有點朦朧。
餐廳主打創意法式料理，以佢地嘅檔次黎講，lunch set嘅價錢非常之抵食！我地今次就揀左✨3 courses ($440)✨包含左前菜、Main同甜品。係上菜前先黎一籃熱辣辣嘅Sourdough, 麵包嘅外皮香脆，內裡則軟熟得好似海綿一樣，酸味適中，為成餐飯鋪墊咗一個唔錯嘅開始。
✨Creme Brulee
呢道Creme Brulee並非平時食開嘅法式焦糖燉蛋，而係以磨菇制成嘅創意料理。菜式表面鋪滿左青蘋果同煙肉粹，下方則係以法國磨菇制成嘅布甸；神奇嘅係佢冇加入任何雞蛋，卻做到燉蛋般嘅細滑口感，令人非常驚喜。
✨Perigord Duck Foie Gras (add $180)
廚師將鴨肝煎至剛熟，外層金黃香脆，入面軟滑細膩，油香十足；配以烤松茸同無花果作side dish, 味道非常唔錯。
✨French Suckling Pig
比較令我失望嘅一道菜。因為Menu上話係乳豬，所以我expect 佢嘅口感應該係細滑幼嫩，但食落就同想像中頗有出入——豬肉嘅肉質相對粗糙，有少少似食緊煲湯嘅豬肉咁。比較可取嘅係烤脆左嘅脆豬外皮同無花果蓉，但整體而言唔太推薦。
✨Miyazagi A4 Sirloin (add $290)
必點🌟算係我近期食過最出色嘅牛扒❤️廚師將A4級嘅宮崎和牛煎至5成熟，外層簡單沈上鹽、胡椒同少許醬汁；牛扒外層焦脆，中間嘅肉則呈現誘人嘅嫩紅色，油脂分佈相當平均。切一小塊放入口，濃郁嘅牛味同油香係舌尖融化，令人回味無窮。
✨Citron Givre
甜品我揀左呢款Citron Givre, 望落好似一個顆打左蠟嘅檸檬，非常可愛💕最外層嘅係朱古力脆皮，入面分別係檸檬味嘅乳酪同蛋糕，味道甜甜酸酸，清新開胃。
由於係慶祝生日嘅關係，餐廳特別為我地準備左小驚喜😍係一個非常靚嘅小熊音樂盒，上面加左兩件一口size嘅甜點，岩晒鍾意打咭嘅我地！大家如果想去慶祝特別日子嘅都記得提早request 定呀🤣
张贴
