Plato Cafe & Bistro (彌敦道) (已結業)

今日自己去开油麻地食晏，search openrice成日见到e间就尝试下啦。未入到餐厅，经过走廊时好热，好彩入去都够冷气。一入到去见到有几多空枱下，我一个人坐既2人枱同隔离好近，大动作d都会整到隔离枱。我叫左lunch set，有餐包同汤送，叫左个牛排+薯条另外叫多左个冻薄荷朱古力。蒜蓉包个酱可以多d香草同蒜蓉，个酱唔够多，所以味道比较淡。主菜卖相好靓，份量足，而且全部都热辣辣。但系牛排既味道一般，好有松肉粉味，质地唔算稔（叫左6成熟），切开系靓既红色，但都要有d力去咬。薯条外脆内软，够厚身，炸到岩岩好。沙律有黑醋，食落好甜，唔会觉得酸，对我来讲几好。薄荷朱古大够大杯，卖相几靓，好有薄荷味同朱右力味，成餐饭觉得最好味既野系佢。服务正常，就算坐好耐都唔会赶人走，lunch set连野饮加一$87，正常价钱。如果想揾个地方坐耐d，e到唔错。