夢見屋 (已結業)

因为朋友介绍，所以去咗食。我同我个friend八点几 两个人等咗一阵就入得去啦 ( 见到啲侍应好似好忙)。 我同我个friend叫咗一个黑松露什菌三文鱼烩乌冬 同吉列猪扒汤乌冬， 叫咗两个野饮好快就嚟啦。 𠮶个乌冬好好食，啲乌冬好有口感， 唔似平时食𠮶啲乌冬咁样咁冧( 但其实我觉得似 扁意粉 但比起扁意粉佢更加有弹牙嘅感觉)。 我个friend个吉列猪扒乌冬啲吉列猪扒系分开上嘅 差唔多食咗半个钟都keep到咁脆， 多炸粉唔算太厚。最后食咗个士多啤梨芭菲， 酸酸甜甜加埋下面啲脆片好夹， 配埋下面啲啫喱，唔算太”漏”。环境唔错，但啲冷气有啲冻同有杂声有啲嘈， 隔离枱系咁话个冷气好嘈。啲灯光好有气氛。侍应嘅态度几好， 好详细咁解释个menu畀我听， 因为佢个menu有啲加廿几蚊有蛋糕有嘢饮，自己一个人睇可能有少少混乱。价钱对我呢个学生嚟讲有少少贵， 但间中一次都觉得物有所值，值得再去。因为太肚饿，冇点影相就食左啲野，得张芭菲嘅相。。。