Zoe (已搬遷) 新店位置

鱼佬买嘅曲奇，好靓嘅铁盒自己本身好喜欢糖果色！呢个包装中晒我喜好，仲要曲奇系彩虹七色！每个色有独立味道！同肥髀每款分一半食！由紫色开始！紫（紫菜芝麻）：有少许芝麻香！都系牛油曲奇为主！蓝（黑榄）：见有黑榄碎夹杂在曲奇中间，但味道唔突出！绿（开心果）：有脆脆开心果碎夹杂志其中，好脆好香！青（罗勒）：完全无罗勒香味，普通牛油曲奇一块！黄（咖哩）：好香咖哩味，唔会辣！好味！橙（辣椒）：唔觉辣，肥髀都唔觉得辣！又无辣椒香！一般！红（烟肉）：中间夹杂脆口烟肉碎，好像咸砂糖脆卜卜，好香！如果当特色曲奇，其中几款几特别！但唔系只只都做到介绍嘅味道！曲奇本身好香牛油味！仲好香脆！唔错！