好媽媽台灣館 (已結業)

同朋友嚟开呢头附近做义工，去之前约埋一齐食个lunch。咁啱经过好妈妈台湾馆，几年前小妹同朋友食过次晚饭觉得又平又好食，今次喺门口见到个lunch menu又几啱食，就信心满满咁拉咗朋友入去仲推介佢一定要试下呢间台湾菜😂我地一人叫咗一个lunch set，四十几蚊一个餐系抵食嘅。滑蛋猪扒饭呢个滑蛋猪扒饭同我地想像中有啲出入，煎得唔错嘅猪扒，配上水状好稀嘅蛋碎🤢眼见朋友面有难色，头先仲大大力推介话好味嘅我唯有率先试啖。好彩味道系正常嘅😂但系蛋水真系卖相唔掂，睇见都🤢🙈香酥骨卤肉饭本身仲觉得带咗朋友嚟呢到中伏唔好意思，但当我个午餐一上枱，卖相更差更惊吓嘅时候，小妹当堂有种松一口气嘅感觉，因为原来我个餐仲伏😂即刻内疚感去去走😂不过奇妙地，卖相恐怖，但味道都唔差。虽然卤肉珍贵地只有几粒，但都食得出好入味，而且入口松软得嚟唔油腻。香酥骨炸得老火咗啲，同埋少肉多骨，啱哂钟意食热气嘢，又唔想食咁多肉嘅我😂******************呢到嘅午餐系抵食嘅，味道正常，只系卖相惊吓，唔系外貌协会嘅朋友想试无妨。