The Night Market (ELEMENTS圓方) (已結業)

本来打算去西九野餐，可惜落雨，所以转场系圆方食嘢。见呢间餐厅嘅食物价钱唔太贵，都有人排队，就入左去食啦。卖相ok，但味道总体我觉得麻麻地，不会再去试。蟹粉小笼包我地叫嘅五样食物中较为满意嘅一样。伶出黎都热辣辣，juicy嘅肉汁同蟹味，都唔错。盐酥鸡睇落炸到脆啵啵，但系入面2/3都系粉，无咩鸡肉🥲，味道系正常嘅炸粉味。呢个黑松露大虾豆正常D，不过味道偏淡，感觉煮熟后，就咁加D黑松露，所以整道菜无咩黑松露味。麻辣大肠鸭血煲鸭血份量虽然多，都滑嘅，但系麻辣汤我唔太钟意，都几咸，死咸嘅辣。酸菜鱼唔酸又唔辣，D鱼比较腥，似系普通嘅鱼汤咁。