影片
更多
2024-02-16
306 浏览
上网见新餐厅, 过节又BOOK到位, 同埋同太太都LIKE泰国野, 打算试下环境唔错, 装修有心思, 有宠物友善空间, 室内室外迎合唔同客人需要坐左系偏房, 见到都好多情侣, 叫左野食, 等左一阵先上左杯泰式奶茶, 甜左少少(个人口味)但都叫做好饮... 怎料这就是恶梦开始1. 冷气太大, 想叫人较细点, 餐厅staff太忙冇留意到偏房客人需要, 唔紧要; 行出去揾男经理讲聱, 佢礼貌不太好咁话帮我熄左冷气, 点知10分钟后又开番仲大冷气过之前... (我当有人request开番, 算)2. 叫左3样野食, 三文鱼冷盘, 1个基本既泰式香叶肉碎饭, 同埋1个小食拼盘... 落单半个钟(上左野饮)先有staff黎话冇三文鱼, 要再拣 (都算)... 最后好多野 (连佢主打既泰式小食但都可以卖晒肉串) 都售罄都拣唔到了3. 明白过节多人, 餐厅新开人手同配套上可能未到位, 杯野饮都唔错; 我同太太都好难得轻松咁倾下, 未算最饿, 所以都一直咁等住冇催单 (谂番都觉太好人咁)4. 等左8/9个字, 都真系饿了, 开始催单... 因为叫唔到人, 出去揾男经理同女部长, 就开始黎料了! 男经理话
环境唔错, 装修有心思, 有宠物友善空间, 室内室外迎合唔同客人需要
坐左系偏房, 见到都好多情侣, 叫左野食, 等左一阵先上左杯泰式奶茶, 甜左少少(个人口味)但都叫做好饮... 怎料这就是恶梦开始
1. 冷气太大, 想叫人较细点, 餐厅staff太忙冇留意到偏房客人需要, 唔紧要; 行出去揾男经理讲聱, 佢礼貌不太好咁话帮我熄左冷气, 点知10分钟后又开番仲大冷气过之前... (我当有人request开番, 算)
2. 叫左3样野食, 三文鱼冷盘, 1个基本既泰式香叶肉碎饭, 同埋1个小食拼盘... 落单半个钟(上左野饮)先有staff黎话冇三文鱼, 要再拣 (都算)... 最后好多野 (连佢主打既泰式小食但都可以卖晒肉串) 都售罄都拣唔到了
3. 明白过节多人, 餐厅新开人手同配套上可能未到位, 杯野饮都唔错; 我同太太都好难得轻松咁倾下, 未算最饿, 所以都一直咁等住冇催单 (谂番都觉太好人咁)
4. 等左8/9个字, 都真系饿了, 开始催单... 因为叫唔到人, 出去揾男经理同女部长, 就开始黎料了! 男经理话已经催左单, FINE... 过左2个字再出去问女部长, 佢劲大声当住其他客面前话「已经帮你催左啦」, 劲冇礼貌... 我即刻话佢, 佢就话去跟单... 之后入完厨房再入偏房(坐左几枱客)先逐枱对番落左乜野单, 差D乜... (即之前可以话系白坐一直冇理过我地既单)... 过程中既语气都系好大声暴躁咁, 好似欠左佢咁!
5. 最后等左80分钟 (7半落单到8点8) 先上到第一个肉碎饭... 冇辣味, 得一片仔香草... 即只系炒免治肉碎饭 (毫无香叶味但有猪腥味)... 唔好食, 实在都太饿, 同埋都谂住会好快上埋小食并盘食完走人, 照食完... 但等多两个字都冇并盘, cancel单走人...
6. 埋单先, 男经理劲冇诚意劲HEA咁讲左句唔好意思 (对眼冇望过人), 贯彻一套的服务
总结, 新餐厅唔系问题, 顾客都会俾点耐性; 但未ready就唔该打番块试业既牌, 同埋唔好O系情人节呢D时段接咁多客啦... 个个都等到火起, 野食又唔得, 自己倒自己米; 同埋员工培训确有问题, 冇礼貌, 仲大声过个客同客嘈, 就算明白人手不足, 呢D服务态度, 影衰既系香港...
最后, 4个字, 永不光顾!
香叶肉碎饭
33 浏览
1 赞好
0 留言
题外话/补充资料：
唔系打开食评的人, 但是次经历实在不快, 唔希望再有人中伏.... 其实当晚之后我地去左商场另一间既韩国餐厅, 人地一样唔够人, 一样卖晒招牌既野食, 但STAFF礼貌好, 主张介绍番仲有乜野选择, 令客人都体谅到纵有不足亦已尽力... 最后上来既野食质素高, 乜分都攞番晒
(以上食记乃用户个人意见 , 并不代表OpenRice之观点。)
张贴
