影片
更多
2013-08-17
6597 浏览
因为有余钱系团购公司而又就到期的原因, 见呢个团购写出黎几多野食, 就买左Dinner Buffet 试下, 老实讲, 团购价同用Openrice折扣卷1-4的buffet只平11大元, 而5-日更只平2蚊鸡, 如果唔系有钱要用跟本唔需要买团购……Buffet在一楼, 地方唔算大, 拎野食地方集中系中间同门口位, 一入门口系烚粉面档, 档前面有个碟放左几件疑似天妇罗系度, 见到油淋淋完全冇吸引力, 对面就系Dreyer’s 雪糕, 当晚有云尼拿, 石板街, 薄荷朱古力 3款, 再入少少就系甜品档, 中间就系冷盘同热盘, 但好多盘野都冇名牌, 都唔知系乜东东每人送2只芝士焗蚝 - 蚝比较细只, 但个汁就几好味, 可惜得2只 汽水饮品自助式任饮鱼生有4款(吞拿鱼,三文鱼,鲷鱼,八爪鱼) - 我拎左三文鱼同鲷鱼, 三文鱼系腩位几肥, 不过食落觉得麻麻地新鲜, 鲷鱼冇咩味, 食左呢round就算 寿司有几款, 我胃空间有限, 所以食buffet我好少拎旧饭同埋烚粉面黎顶住个胃, 所以2样都冇食到天妇罗 - 只见来来去去都系得几片杂菜放系度, 又淋pat pat唔吸引, 完全冇动力去拎, fo
Buffet在一楼, 地方唔算大, 拎野食地方集中系中间同门口位, 一入门口系烚粉面档, 档前面有个碟放左几件疑似天妇罗系度, 见到油淋淋完全冇吸引力, 对面就系Dreyer’s 雪糕, 当晚有云尼拿, 石板街, 薄荷朱古力 3款, 再入少少就系甜品档, 中间就系冷盘同热盘, 但好多盘野都冇名牌, 都唔知系乜东东
每人送2只芝士焗蚝 - 蚝比较细只, 但个汁就几好味, 可惜得2只
汽水饮品自助式任饮
鱼生有4款(吞拿鱼,三文鱼,鲷鱼,八爪鱼) - 我拎左三文鱼同鲷鱼, 三文鱼系腩位几肥, 不过食落觉得麻麻地新鲜, 鲷鱼冇咩味, 食左呢round就算
寿司有几款, 我胃空间有限, 所以食buffet我好少拎旧饭同埋烚粉面黎顶住个胃, 所以2样都冇食到
天妇罗 - 只见来来去去都系得几片杂菜放系度, 又淋pat pat唔吸引, 完全冇动力去拎, food list写有天妇罗虾同软壳蟹, sorry系一件都冇架
海鲜
长脚蟹 - 蟹脚的肉有少少霉, 唔系好甜, 肉质唔系咁新鲜, 不过就唔系话好咸
蟹钳 - 好鲜甜好弹牙, 好好味, 呢个明显新鲜好多啦
龙虾仔 - 的肉都好爽好弹牙, 虾头有膏几香, 不过细只冇乜肉
蓝青口 - 冇咩鲜甜味肉系林林地, 似乎唔系几新鲜
蚬 - 鲜甜, 但肉质都唔系话好结实, 我拎3只有2只有少少沙,
冻海虾 – 爽口有虾味
自选沙律菜 – 正常, 但有只小苍蝇系度飞来飞去啰, 感觉唔太卫生
另外海鲜侧边放左薯仔沙律, 不过见比人笔到有少少一pat野, 又唔想食咁多殿粉质, so冇试, 仲有烧牛肉沙律, 蛋沙律都冇食, 唔见有鲜虾木瓜沙律
cold cut的烟三文鱼质数一般, 沙乐美肠 & 黑椒牛肉都ok, 三文鱼鹅肝卷几好食
西餐汤系甘荀忌廉汤 - 奶味较重, 唔觉有忌廉香
中汤, 餐包同几款芝士冇试
热盘
烧羊架 – 烧得好嫰滑, 肉仲见到粉红色, 好食, 系肥左DD, 可惜系我地一坐低时出左几件好快比人拎晒就冇再出过, 所以只食到一件
咖哩牛腩 - 友人话都好食架, 我就冇试到
烧三文鱼头 - 都烧得几香口, 够盐味又够黑椒味
猪脚姜 – 友人话好食, 好淋, 睇个样都好入味咁, 但我怕漏就冇试啦
豉油皇虾 (抑或茄汁虾呢) – 好惹味, 唔错呀, 但我食左3只有1只少少霉, 友人话佢食几只都好食㖞
炸鱼卷 (估系, 因为冇名) – 用脆浆包著紫菜里面似鱼蛋, 几爽口, 炸得好脆
仲见有条蒸鲈鱼, 冇食到
磨菇意粉 – 麻麻地, 成兜得几片菇, 冇咩味 (之前见到有出过肉酱意粉, 我地冇拎到)
餐车有烧牛肉, 可惜烧到全熟, 好似柴皮咁, 鞋烚烚, 完全唔掂, 难食
有盘类似牛扒, 冇名牌唔知系咩, 见块肉仲嫰过块烧牛肉, 起码中间见到粉红色, 但饱饱地冇试到
当晚我就见唔到椒盐虾, 黄金虾, 芝士焗虾, 焗青口, 斑片, 牛仔骨, 菜胆鸡, 海南鸡等等啦, 我发觉呢度有几盘野系食完会转其他款嘅, 唔知系我咁啱见唔到定真系冇出过呢, 但我想食啰
当晚有自制waffle, 我地都冇食, 唔见有pancake, 仲有3个樽装有中式饼仔如水泡饼, 鸡仔饼等系同一张台度
甜品款式非常少, 有3款系杯仔底下放的果酱再吱pat cream, new york cheese cake 好淡芝士味, 绿茶cake 好普通, 朱古力mousse朱古力味几浓, 最好味系呢款, 一款唔知咩用只匙装住友人话好难食, 仲有一款和果子同斑兰蛋糕冇食, 西式系得呢几款平价野, 中式见有小煎堆, 蛋散, 蛋挞仔等3-4款啦, 冇试到
蛋糕甜品就成晚都系呢几样, 冇转过款
我想食的心太软, 西米焗布甸, 马豆糕, 芝麻卷, Tiramisu, mango cheese cake, blueberry cheese cake, cream brulee 等, 系团购food list 度有但当晚全部都冇, 劲失望!
D字雪糕好辛苦先挖到半球石板街, 因为由头到尾都系得果3盘, 中段盘石板街已挖到差不多见底都冇人换个盘新出黎, 到我拎时就真系已经见底挖唔到几多
总括黎讲, 当晚食物款式唔算多, 海鲜鱼生唔系太新鲜 (不太能接受), 只有其中几款热盘较为好味, 蛋糕款太少, 但平时去餐厅食个set都要百零蚊, 如果要求唔太高又愿意比多一旧水平平地食餐Buffet 都可以试下嘅, 但我回头的意欲不大!
张贴
