潮館 (創紀之城五期(apm)) (已結業)

喺apm谂唔到食咩。最后唔想等位就去食潮州菜。2个人仔叫左冻马友。炸蚝饼。卤水拼盘。潮州粥。原本想食大眼鸡。不过冇就转左食马友。马友上枱时去左骨。不过搞到卖相麻麻。入口第一下就有一阵腥味。质素一般。食到腩位都叫食到有啲油香味。炸蚝饼眼见都叫多蚝。不过唔酥脆。个饼一冻左少少就开始淋同多油。最后拣走左好多粉饼先食到。😖卤水拼盘算系抵食。唔驶$100就有鹅片鹅肉。鹅算淋不过冇乜鹅香味。猪耳有少少酸。鹅亦有一片片毛。蛋唔够入味。仲有肾。红肠。豆腐。萝卜。正正常常。食左蚝饼感觉好油。所以最后叫左碗粥。碗粥见到一粒粒米同时好绵。有米香味。食完个粥舒服番哂。餐厅有啲嘈。所以食完就快快走了。