Verde MAR (已搬遷) 新店位置

happy hour有买一送一，又想食下墨西哥菜，见到呢间咁多好评就黎试下。由于买一送一只限bottled beer，几款cocktail同几款wine，我地就叫左Mimosa，即系橙汁加汽酒，叫做冇咁common。佢地用系有果肉既橙汁，所以口感好丰富，好饮。不过食物方便就较为失望。呢碟mexican wings，有3种辣度拣，我地拣左中辣，因为最辣系用habenero，我地都惊食唔到。呢碟野无论横睇掂睇，都系清蒸鸡翼，再加d水汪汪既sauce落去。鸡翼本身冇味，好在个汁都算够辣。另一款系肉碎芝士加nachos，由于本人系芝士怪，虽然唔大份，但都够食同觉得都好食，只系当冻左时就变得太漏了。都要赞返既，waiter态度非常好，好有心机介绍比我地听同解答我地既问题，而餐厅环境都非常清洁同舒服。