居食屋「和民」 (已結業)

居食屋「和民」由于屋企冇人煮饭，唯有落街食...大家谂左好耐，唔知劣食之都马鞍山究竟有咩好食，所以周围拎飞等枱，边到有位就食边到...结果和民领先！叫左客烧鱿鱼，今次又烧得几香，外层微微焦脆，里面爽嫩弹牙，但略嫌个汁有啲cheap，系沟到好稀的烧汁...鸡软骨，炸得几酥脆，有略略调味，味道ok，炸物总是叫人欲罢不能！之后有啲前菜沙律，冇咩特别，一般般，三文鱼刺身落得太多油，食唔到三文鱼鲜味，只有槛榄油同柠檬味。呢个芝士年糕焗过头，太硬，用匙羹毕出黎极有难度，咬得好辛苦，不推介。烧饼用铁板上，味道正正常常，酱汁惹味，蛋饼软腍，入面馅料几juicy。牛肉火锅配料太少，食几啖已经食哂，汤底系甜豉油，味道正常，牛肉肉质嫩滑，唔错！最后叫左寿司，帆立具寿司最好食，够新鲜，系略嫌寿司饭醋味唔够。马鞍山间和民日日都好多人等，可能因为价钱抵食，但其实质素都系一般，但呢个价钱不应要求太高，毕竟呢度系马鞍山...