梅丘壽司の美登利総本店 (青衣城1) (已結業)

同friend一齐去食寿司，其他餐厅都好多人，见到呢间人唔多唔驶排队，就去试下寿司质素如何。食寿司都预左应该唔平（除非争鲜），希望有咁上下质素。我地嗌左油甘鱼+鲽鱼裙边，小肌手握寿司，池鱼同香葱吞拿鱼腩。油甘鱼比较滑身。油脂较多，虽然口感几好，但系冇味；鲽鱼裙边好薄，比较软，口感唔错但系都系冇味。小肌手握寿司几好味，小肌鱼其实好细条，一旧寿司上就有一条鱼，肉质比较结实，好鲜美，几好味。池鱼一上台已经把可食用既肉挖出黎，方便顾客食用，后面个条鱼应该唔可以食。鱼肉都切得好厚，油脂几重，但冇乜味。吞拿鱼腩还算好食，feel到吞拿鱼好肥美，鱼味浓郁，份量都算多。