大盛日本料理 (已結業)

三文鱼+ 吞拿鱼寿司：无错，好大份，鱼生系有六吋长既，旧饭依然系正常size，所以成只碟比鱼生遮晒。十五蚊一客=2件，系抵既。炸大虾天妇罗：三十八蚊六只，都可以。烧银雪鱼：四十蚊2件，正常水准。牛油果炸软壳蟹卷：一般，蟹太，唔脆。五十蚊8件，又系好大件。但我觉得元气/绿好食d。海鲜火锅：料都够，三文鱼、带子、虾、鱿鱼、津菜....四十八蚊。蟹羔炒饭：又系同上次个海胆炒饭同一问题，太干，有粟米粒一齐炒，但系干晒硬晒。四十八蚊。合计三人接近三百，唔算高水准但系好大份，都叫抵，多人食会好d。好迫下，而且见d waiter哥哥好似几乱，外面又好多人等，我见waiter 哥哥想叫隔离果枱埋左单先而被疾「我地未食完」，又见哥哥用纸巾抹完跌落地既wasabi后，随即就上菜。下次都系外卖算。