金滿都越南餐廳 (已結業)

黎左黄大仙做野，夜晚一个人系附近揾食，黄大仙中心入面既餐厅多数要等位，所以黎左现崇山睇下。路过见到呢间餐厅d价钱都几经济，所以入左黎试下。套餐餐牌有十几款既选择，包一杯饮品，如果要转特饮既话，杯特饮就半价。我叫左香茅鸡肉捞檬同热柠茶，捞檬既汁系任你自己加既。d捞檬份量好够，但鸡肉冇乜香茅味，而捞檬个汁都同其他越南餐厅既味道好唔同，酸同甜味都唔够出。整体黎讲间餐厅真系只系畀我填肚...食物质素同服务都好一般...见隔离枱岩岩一停手冇几耐，d侍应就赶住收左你d食物同饮品，畀人有种嗺你走既感觉，但明明仲有大把吉枱...