酷廚 (已結業)

早两晚带埋亚女出去长沙湾接太太放工，俾个惊喜佢，夜晚谂唔到去边度食，就去咗啲D2𠮶边行吓，揾吓有咩好食，结果就去咗呢间酷厨度食。先讲装修方面，基本上可以话系冇咩装修，水泥地白色墙，冇咩特别，不过坐落都算几舒服。我哋一家三口好，叫咗三个晚餐，包括：青咖喱鸡饭、法式羊架同埋带子龙虾汁扁意粉，先讲青咖喱鸡饭，个咖喱汁味道唔错，但啲鸡就比较鞋口。龙虾汁扁意粉味道都唔错，份量就一般。至于法式羊架就真系一般般，羊架冇乜味道，而且都煮得太过熟，令到质感变差，总括来讲食物质素一般，下次未必会再帮衬。