廚十三老壇酸菜魚 (渣甸街) (已結業)

自从喺中国大陆唔同地方食过闻名嘅酸菜鱼，便一试难忘，希望都可以喺香港揾返类似禄鼎记、太二嘅味道。最近留意到原来【厨十三】系太二美国班底到港开嘅分店，当然要一试。因为只有两人衬嘅关系，实在叫唔到其他小食，所以只系叫咗两人份嘅酸菜鱼同埋三份配料（豆腐、粉丝、午餐肉）。整间餐厅同太二嘅装潢如出一彻，都系以黑白漫画为主。酸菜鱼嘅底味其实同太二亦一贯，但鱼应该唔系用中国大陆一贯嘅新鲜鲈鱼，而系斑类鱼（食落似石斑），不过鲜味唔足，亦有唔少碎骨。而酸菜则有少少似香港街市买到嘅咸酸菜（当然更加香口，酸味唔太突出），入口都唔错。反而配料同白饭都系平平无奇，麻辣香味亦几适合香港人口味。整体嚟讲，【厨十三】系香港能够食到嘅酸菜鱼中质素上佳嘅，但味道仍难媲美太二，价钱亦高大约3分之1至一半。如果大家有兴趣亦不妨一试。味道 ⭐️⭐️⭐️⭐️服务 ⭐️⭐️⭐️⭐️环境 ⭐️⭐️⭐️性价比 ⭐️⭐️⭐️