鐵牛台灣牛肉麵 (旺角中心第一座) (已結業)

第一次食铁牛系晌尖东，抵食又好食，值得再食。黎左旺角竟然见到分店㖞，又好耐无食咪再食。但今次有少少失望，觉得贵左，质素又下滑。嗌左个猪软骨捞面同卤水拼盘。卤水拼盘有猪大肠、蛋、猪耳。每款份量得个少少，仲要切到又细又幼，又无咩卤水汁，又唔系特别好食，靠D葱呀雪菜呀生菜呀伴碟扮多野，好唔抵。捞面煮得比较糊，但我ok，只系味道偏甜，少少食唔惯。猪软骨就更甜，而最重要既系软骨并唔软，而系硬，猪硬骨😅 只有一小部份系软。如果味道唔系偏甜，应该更好食。整体而言，不过不失，但以上果两款食物肯定唔会再食。