犀牛廚房

营业中

休息中

曾几何时呢一间餐厅质素唔错价钱又ok性价比都几高，可惜佢水准明显下降但系价钱却高企，真心麻麻地。因为记得佢嘅waffle好掂但系早餐就冇waffle咁就谂住pancake都应该唔错啦，点知个质素真系麻麻哋，最主要系个pancake粉浆调得唔好，唔香又唔松，不过佢唔系最衰，最衰就系啲烟肉，摆盘取巧我都算数，佢依家想入面睇落去好似成条由左至右大大块，但系其实入面系断开嘅，即系pancake入面基本上系冇烟肉。佢最大镬系韧到切都切唔开，明显over cook，好彩原来唔系净系我呢碟系咁，我听到隔离枱嘅食客都话佢要𠮶份早餐都系over cook嘅。另一重点系呢份早餐要$85，包嘅饮品只有柠茶柠水仲有一样唔记得系乜嘢不过我一定冇咖啡，呢度如果要饮咖啡要另外加钱，虽然佢冇收加一，但系呢份嘢都冇理由喺$85啦。佢杯柠茶系用茶包嘅。影埋张单证明我系真金白银帮衬嘅。