What The Food Cafe (已結業)

两年前，间中都会揸车入去食佢地既招牌蛋包鳗鱼饭。事隔一年无去食，星期日就谂住再去食下，上OpenRice见开11:00am，结果11:30am去到 话12:00pm先开门，由于附近无野好行，就问职员可以坐底等吗？结果，再加强语气同我讲开12:00pm。 但因为专登入去食，附近亦无其他选择，唯有落楼下等到12:15先上返去食。一坐底，举手叫野食，有个职员叫我等等，2分钟后 有个拎住包烟 目无表情 说话毫无声调既女仔嚟落单。当时叫咗一个 蛋包饭，一个意粉 ，一杯咖啡，一杯奶昔，一份鸡翼。 结果某咖啡今日要3点后先有售，我之后转牛油果奶昔，点知牛油果未熟。到最后，接近食完之制，有一家人大约有6-8人入嚟食野，但大枱已留位，当时只剩几张二人枱有位，实际上拍埋啲二人枱就够位坐，但店员话唔会拍枱，话无位坐。老实讲，野食差咗好多之余，服务态度差，根本无必要专登去一个工厂区再食，今次绝对系磨灭咗我对佢地既好感同印象，以后亦唔会再去。