威仕頓餐廳 (已結業)

依间港式怀旧西餐厅每逢午饭时间都逼满人，门口仲有345个人要排队等位，令我好奇心起去试一试，就明白啲人点解要排队啦，原来质素真系唔错先睇餐牌，食物种类都好多元化，价钱方面平均一个餐60蚊左右，包埋汤及饮品，算系咁啦。我就叫咗个葡汁鸡扒焗饭，算系港式餐厅常点既菜式之一餐汤方面有红有白，我拣咗罗宋汤，卖相其实普通，但饮落其实好唔错有少少微辣。个重点系焗饭，卖相好有怀旧味道，一望都知用咗大量芝士，鸡扒有旧，虽然系切开一件件，但每件都几大块，唔使惊食食吓饭冇𩠌而且真系新鲜滚热辣焗好，会买香浓嘅葡汁，成个饭味道真系唔错睇下可以「拉芝」架餐茶方面我叫左热奶茶，味道就正常，不过我见人地叫热咖啡卖相好好，而且咖啡味好香浓，坐系旁边都闻到下次应该要叫咖啡先系。我见其他人点嘅餐牌上其他食物样子都好好，其中都几多人钟意叫块牛扒食，都几靓架，下次要食餐厅食物质素不错，难怪咁多人排队都要食，但预咗坐得迫啲架啦。