壽司喰 (已搬遷) 新店位置

以前住呢头附近都偶然黎食下质素都算唔错，今日过开黎中环就食返个LUNCH。一入去职员态度嘅就麻麻地，有d躁底，可能中午多人挂。我记得之前食d刺身系唔错嘅，所以叫咗个海鲜丼食，朋友叫咗个和牛丼。等咗大约15分钟，个饭一黎到我见到d带子劲薄，即刻有d失望，味道都ok既，但太薄口感始终差d。海胆唔系甜果只，无乜特别，最后就系d饭太少，食完都唔够饱。而朋友果个和牛丼我都有试，d牛唔知点解都几多筋，但味道就无问题。如果系呢个价钱我就觉得可以做返好d。