海街丼 (東港城)

营业中

休息中

海街丼 - 坑口📍将军澳坑口重华路8号东港城1楼186号舖朋友带路，原来东港城呢度有条街系全部都系餐厅，见到呢间晚市都有定食，几丰富，试试佢。豚肉生姜烧丼 - $120睇个样都觉得靓仔，仲有一个温泉蛋同前菜。将温泉蛋放喺饭上面，再捞埋落啲饭度，蛋汁即时将个饭提升。生姜烧份量都几多，猪肉唔会太肥，几balance, 味道方面系甜甜辣辣咁，辣味应该就系荔枝佢嘅姜蓉，肉眼都会见到，洋葱嘅甜味就为个饭加多咗啲层次。吞拿鱼蓉丼 - $160 + 甜品特饮$30呢度嘅刺身丼选择都好多，吞拿鱼系有用酱油渍过嘅，鱼蓉都好新鲜，仲有大大粒嘅蟹籽，食落卜卜脆。最特别系佢有个啫喱，店员话可以加落个饭度当做寿司饭，要几多份量可以自己调控。然后呢个饭仲可以加埋三小碟嘅配料，同埋佢有一樽仔鱼汤，俾你用嚟做渍饭，啲饭就会变咗好暖胃。甜品今日系芒果味大福，好软糯，味道都好fresh.菠萝特饮好fresh,岩晒夏天解渴。