火鍋煮場 (已結業)

人大咗食量细咗，所以唔去任食打边炉，宁愿比贵少少食好少少又唔洗赶头赶命限时要走，而呢间火锅店正正合晒我心水。安格斯小牛排脂肪分布真系好靓仔，渌两渌就要食，否则太熟会无咁好食。呢个牛白肉好正，烟烟un un，又系渌两渌就食得。紫菜响铃系即叫即炸，所以好脆，伙记话即食或者落汤滚一滚都得。手打虾丸同墨鱼丸好好食，好弹牙，同埋食落去觉得好新鲜。云吞同水饺都正，我钟意云吞多D，入面只虾又大又新鲜，食得好开心。大胜子都好正，伙记话水滚时渌10秒就要食，跟住佢咁讲渌10秒真系啱啱好，好正呀又无缩细。