金記冰室 (已結業)

疫情期间要减少出外，但日日煮饭其实好攰。。。每星期总会有一两晚买外卖。今晚落雨，方便快趣去左附近呢间金记。入到餐厅做返探热等动作后直入cashier叫野食。晚餐以扒为主，是日精选系肉燥饭，听到店员同电话入面嘅人讲精选会日日转，有时系肉酱意粉等等。我地最近叫冻肉已经食左好多扒，今日唔叫晚餐。叫左焗芝士杂菌意粉同咖哩吉列猪扒饭，另外用半价加左冻柠菜同冻柠蜜，外卖冇额外收盒钱。焗芝士杂菌意粉用钖纸盒装住，芝士汁份量够，每一啖意粉都挂到汁，但唔会好咸好滞，杂菌比想像中多款，有蘑菇、秀珍菇、冬菇同一种黄色类似秀珍菇，仲有少少西兰花，系健康之选。咖哩吉列猪扒饭超正，有一盒饭加杂豆、一兜咖哩汁同埋用纸袋装住一块巨大猪扒（好似出面买盐酥鸡扒咁大！）。咖哩汁多到浸住个饭食都得，系带有辣味嘅惹味咖哩，完全唔食得辣嘅人应该会觉得几辣，但我地两个食得好滋味。块猪扒炸得均匀又松化，大满足。饮多啖冻柠茶，茶底唔错几浓，感觉冇咁热气。茶餐厅黎讲绝对可以翻兜，影低餐牌for之后用。