怡逸軒

营业中

休息中

今晚同屋企人同亲戚黎呢度食饭，呢个位都算唔错，又唔系好嘈。我地就叫小菜食，由于都几多野食，所以只系讲重点食过既野。红烧猪软骨个卖相唔多得，但味道都算可以既，唔算突出。北京填鸭个味道比我出乎意料之外既好，配著凉瓜同薄饼等材料，食落都唔错。但填鸭可以热就好啦。咕噜豆腐系咕噜肉既豆腐版，个咕噜汁酸酸地，好开胃。豆腐就炸过既，滑滑地好味道。白汁芝士海虾乌冬煲芝士味好浓，乌冬整得好爽口，虾虽然好多，但都系好细只既。沙爹肥牛煲沙爹味好浓，肥牛都可以既。个汁送饭一流。寿包个包好软熟，但莲蓉唔够甜。呢个就差。红豆沙未饮过咁难饮既，好重陈皮味但完全无红豆味，似系陈皮糖水多。食物都可以既，一分钱一分货，交足功课啦。