至尊滿屋日本料理 (已結業)

一大班人去旺角食野又想坐得耐，最好就是去放题，任食任饮3小时系呢到既好处。我地订左位7点左右到，上到来都已经好多人，不过好快安排到入座，而且职员礼貌都几好。人好多，每桌有一本厚厚的点菜纸，哇，都几多野食，多款式同埋可以任点呢个感觉真系好正，唔驶就住既快感我估就系大家都好LIKE自助餐同放题既原因，始终日做夜做压力都已经好大，食野可以放肆下你话几好呢。刺身、寿司、熟食咩都有，我地人人点D就已经一桌都是野食，不过D位就真系细D，坐到好埋同埋好快已经冇位摆野食。野食质数都OK LA，呢个价钱就已经算系咁了，最正系有好多饮料选择，出面成个柜自己拎，又有D一特饮可以叫，大家饮下食下吹下水，$200左右就搞店，开心下又过一晚，几好。