Velo Italian Bar & Grill

营业中

休息中

几年前食过一次晚市semi buffer , 最近再去呢间餐厅再食多次，真系好失望。之前book咗5个位，首先安排我哋坐喺入口第一张枱，得两张台拍埋，五个人setting , 食自助餐碟其实好大，又每人有杯野饮再加主菜；真系好容易会倒泻野。另外，经常有人出出入入，但留意左成个钟个场并不是full table. 一开始既arrangement 已经觉得做得唔好。再者，我地系唔小心倒泻咗杯饮品，成地同坐位湿晒，侍应见到都无理，什至拎几张纸巾都无。我哋要催咗几次先有人黎帮手抹地。其实个场真系唔系咁爆，已经系self serve 拎野食，收碟又慢。仲有，本来个set 系跟餐包，但要走去问待应，但系等咗好耐最后都系冇上到。同埋自助bar 海鲜质素真系一般，虽然无要求要好食，但至少要新鲜，啲未处理既生蚝就咁放系桶，都无用冰粒坐底保鲜，食落口真系唔新鲜。到主食上菜速度真系好慢，五个主菜速度相差得好远，最后有碟主菜几乎40分钟先上。总括，成餐饭个customer experience 真系好差，呢个quality 真系唔值得呢个价钱。希望贵公司加强服务培训，同埋食物质素。