點籽冰室 (已結業)

前幾日同屋企人去咗附近呢間點籽冰室食嘢，環境叫做乾乾淨淨企企理理，我哋就坐咗卡位嗰邊，都唔叫太迫啱啱好。冰室富豪炒飯呢個炒飯應該係冰室入面比較貴嘅一款，因為佢叫富豪炒飯，果然係有唔少配菜，入面分別有鮑魚，珍珠帶子，蝦球，瑤柱，炒飯炒到乾身，粒粒分明 。咖喱牛肋條飯簡簡單單嘅咖喱牛肋條飯都幾好食，咖喱有少少辣，味道濃郁，牛肋條煮到好淋。熱檸茶 熱檸蜜跟住跟餐仲叫咗兩杯飲品，正常發揮。整體嚟講，我覺得呢間點籽冰室都算係一間幾唔錯嘅冰室，想方便快捷都會嚟食嘢，價錢合理，又近近地。