小曼谷泰國美食 (教育路)

营业中

休息中

之前睇啲条款唔清楚，无端端做咗pandapro会员，点知啲优惠唔多啱用，冇乜着数，后尾发觉指定餐厅堂食有七五折，今日揾咗呢间试，折咗之后算几抵，回到本。因为都比较早去，所以唔驶等就有位，餐厅唔算大，但系都坐得算舒服嘅，研究咗一轮餐牌，叫咗一个黄咖喱牛腩，泰式干炒猪肉片河，泰式蒜蓉包，青柠菠萝沙冰，蒜蓉包好快到，忍唔住食咗片，都几香脆，猪肉炒河唔太油好味，黄咖喱牛腩份量比较少，但个汁好正，几片蒜蓉包好快就食完，后尾想叫碗白饭送，但老公想试菠萝鸡肉炒饭，所以就叫咗，食埋之后就有啲饱，青柠同菠萝啲味好夹，沙冰透心凉，值得试，另外见到佢哋嘅炸虾片好大包，$25价钱唔贵即刻叫咗包，即埸食咗几片，好食。埋单要加一，折咗之后$283，真心唔贵，质素中上，值得再试。