多點心

营业中

休息中

原来淘大商场行过几条街有呢个商场，唔同小朋友去Play house玩都唔知。喺商场行咗一阵，觉得点心同蒸饭比较适合小朋友，所以拣咗呢间点心店。餐厅装修唔算新，不过都几阔落，卡位都几多，感觉舒适。点心款式几多，有几款味道出色，职员有笑容有礼貌，感觉唔错。黑金流沙包，流沙程度满意，咸蛋黄味比较少。鲜虾烧卖皇，正常嘅烧卖，无特别。鲜竹牛肉球，无腌到太软淋，比一般牛肉球结实，有返啲肉嘅口感，唔错。金山蒸排骨，份量算多，肉质新鲜。香茜牛肉肠，师傅切好排放整齐，肠粉皮又薄又滑。鲜虾菜苗饺，皮唔会太薄或黏住，唔会一夹就穿，馅嘅菜同虾唔会太碎，有咬口。多点虾饺皇，有啲细只，皮算薄，唔会一夹就烂，皮同馅唔会分离太多，馅嘅虾都唔错。海皇千丝卷，外脆内热，外面嘅丝比一片过皮炸出嚟更脆更好味，里面嘅馅同鲜饺一样，好味有层次。皮蛋瘦肉粥，粥底绵滑，肉碎唔会好似汤渣咁皮蛋有碎太少，只揾到一细粒见得到嘅皮蛋。咸鱼肉饼饭，肉饼咬落完全无渣，好滑嘅肉饼，好啱老人家，小朋友同我食。煎蛋牛肉饭，肉饼同牛肉球唔同，同外面嘅牛肉饼差唔多，比较松软，煎蛋系全熟蛋。