牛涮鍋 (已結業)

※本文以用餐当日的环境、服务和食物质素为准，口味亦因人而异，文章只作参考之用。-一系唔打，一系就一星期打成三次边炉! 今晚去开荃广一田拎行李箱，顺便去左牛涮锅食晚餐。原来牛涮锅推出左期间限定既「米国见岛特选和牛」，90分钟任食特选和牛，仲有新出既红菜头罗宋汤底同法式洋葱牛似清汤，听落又几特别!适逢世界杯狂热，餐厅环境都有挂上球衣装饰，食火锅加$69仲可以换到迷你足球一个。汤底方面小妹拣左罗宋汤底同甜酱油汤，罗宋汤个款饮落仲见到牛肉粒架，味道酸酸甜甜几开胃，不过配牛肉至爱都系甜酱油，会令人食唔停口。自行出去拎火锅配料、甜品同雪糕等，佢地既芝士南瓜鱼腐，每次黎必定食好多旧。米国见岛特选和牛放题 $288/位米国（美国）和牛，望落颜色鲜红颇新鲜，纹理均匀，食落虽未至于质感幼嫩个种，但系牛味就非常明显，我俩都觉得相当唔错。