聯興潮州飯店

营业中

休息中

呢间位于上环街市上面熟食市场嘅潮州打冷舖质素唔错而且收费合理。我哋今晚叫咗潮式冻蟹、韭菜猪红、薄壳、潮式春菜煲同埋蚝仔粥。老板娘推介我哋食冻蟹真系冇介绍错，味道鲜甜兼且好多肉，只只脚d肉都实净，唔会得d水，咁大只都只系$600，物有所值。韭菜猪红加咗沙嗲汁所以好惹味。蚝仔粥d蚝新鲜肥美。潮式春菜煲虽然系用五花肉而唔系教授嘅排骨，但系一啲都唔油，真系唔错。薄壳就唔系好够肥美，可能季节唔啱啦，不过佢个汁够正宗，落咗九层塔所以好好食。