安南 (利園) (已搬遷) 新店位置

大约一年前来过，印象不错，尤其椰青大蚬汤更是念念不忘，谂住番黎要encore同试佢地其他野，点知系大失望。椰青大蚬汤啲蚬明显缩水，而且系冇鲜甜味，个汤就得番椰青水果种甜，同上次食系完全两回事。甘露大头虾系佢地招牌菜之一，本来满有期待的，但同样鲜味不足，而且大头虾竟然个头冇乜膏，得好多甜甜地辣辣地嘅酱汁。跟住香橙鸭就唔知点解出奇地干同硬，而个顺化米线系可以一赞佢猪手够淋同多肉多胶质，但牛展麻麻地，整体唔算特别。其实全餐只有无影相嘅马拉盏通菜比较好。呢间应该唔会再有下次。