影片
更多
2022-11-24
1860 浏览
上周末同屋企人来食点心放题。屋企人话好抵食，就即管试吓。酒楼位于18广场2楼，装修非常简陋，楼底好矮，酒楼来说系比较差嘅格局。点心系即叫即整，值得一赞，款式都算多，基本点心例如虾饺、烧卖、山竹牛肉、肠粉，但就冇任何特色点心。味道方面都系非常普通，选用嘅食材都系普普通通，点心师傅嘅制作方式都系一般水准。质素就似传统大排档嘅茶楼。虽然系任食，但你唔会想encore。虾饺烧卖啲啲最回本位嘅点心，只能讲系okay，同「好食」仲有好远距离。话就话$98 任食，但其实仲要计茶芥加一，周末又要加$20，埋单都要$150，有点取巧。另外90分钟其实都几急，感觉好难食得回本。总结：如果你系大胃王，可以短时间内劲食点心，系抵食嘅。如果你对食物质素有要求，就要考虑一下。如果你系长者/小童，平日来光顾，相对会抵食好多。
点心系即叫即整，值得一赞，款式都算多，基本点心例如虾饺、烧卖、山竹牛肉、肠粉，但就冇任何特色点心。味道方面都系非常普通，选用嘅食材都系普普通通，点心师傅嘅制作方式都系一般水准。质素就似传统大排档嘅茶楼。虽然系任食，但你唔会想encore。虾饺烧卖啲啲最回本位嘅点心，只能讲系okay，同「好食」仲有好远距离。
话就话$98 任食，但其实仲要计茶芥加一，周末又要加$20，埋单都要$150，有点取巧。另外90分钟其实都几急，感觉好难食得回本。
总结：如果你系大胃王，可以短时间内劲食点心，系抵食嘅。如果你对食物质素有要求，就要考虑一下。如果你系长者/小童，平日来光顾，相对会抵食好多。
张贴