鳴虎 (東港城)

营业中

休息中

鸣虎喺好多地方都有分店，其中一间就开喺东港城一田超市入面。虽然佢只系占一小角嘅位置，但并无损佢嘅质素。佢嘅拉面款式选择唔少，有赤虎、绿虎、鸣海老、黑鸣虎等。除此之外，仲有几款日式便当同小食可以拣。今次我同朋友就叫咗赤虎同绿虎（叫完先见到有鸡汤鲍鱼拉面😭），两者汤底都非常浓郁，特别系赤虎，有少少似一兰拉面𠮶只味，而面底都非常有咬感，至于d叉烧肥瘦适中，好有厚度。另外一提嘅系由于佢开喺超市入面，所以呢度上菜速度好快，好适合1个人或者要快快脆食嘢嘅人嚟。