樂天大喜屋 (已結業)

食放题，一定要拣间有质素！如果唔系就唔好食喇！不如单点仲好啦～试左位于创兴2楼既乐天大喜屋！一试，放题瘾又起！因为好耐冇再试到甘有质素既放题！虽然依家坊间放题有好多，但好多有质素的，往往有头威冇尾阵，好快就会被淘汰。乐天应该系上年年尾开的吧？因为之前仲见系某火㶽店长期装修，今次先发现新放题，希望质素可以维持耐D啦！$248+10%系普通时下放题价钱，但当试食之后会令人喜出望外，绝对物超所值！乐天分三个时段，Lunch一场，晚市6点至8:30一场，最后就8:45至11：15，两个半钟一场，基本上个要食饱既个半钟已经可以投降，当然对于柴娃娃一大班人嘻嘻哈哈就未必尽兴，但基本放题时间2.5个钟已经足够。先赞赞店员服务态度不错哦！而且没有漏order情况出现！各款刺身都好新鲜，解冻解得好好，唔会食到有冰霜情况！大虾刺身好大！粗过我手指公，而且好胶好弹！必食之列！甜虾比大虾细只，但就比较再鲜甜d。带子都好新鲜好甜！北寄贝够爽，三文鱼好肥美⋯一个字：正！熟食方面都比较出色，牛舌爽甜，椒盐虾烧到啱啱好熟，好用心，唔会干！鲜鲍煮得入味，蟹粥鲜甜，一口芝士炸到啱啱好，芝味够浓。芋丸出奇地好味，基本上我唔