影片
更多
2019-10-02
1955 浏览
是咁的~~因为手头上嘅cash dollar就黎到期，储埋储埋都唔少想一炮过食餐好西，所以就拣左千両！今次就同女朋友仔加埋老妈子三个人一齐黎拆餐劲嘅！千両分店都好多，而且据讲食物质素间间会有唔同就算系食物供应都可能有唔同，一年几前就同女朋友仔食过中环果边，今次就试下尖沙咀啦！收工过黎食比较方便呀嘛大约夜晚七点半黎到，都唔洗等位可以直入餐厅环境梗系比同集团嘅元气更好（梗系啦连价钱都高好多）打开menu都有好多野想食，今次三个人就唔怕叫多d喇！本人就非常钟意食牛舌，基本上去亲一间餐厅如果系有牛舌嘅话都会叫，今次都叫左两串烧牛舌！即叫即烧，送上枱果阵热辣辣，烧嘅火喉啱啱好，牛舌外层干身内里软熟，又有牛舌独特嘅香味！呢样烧得好好食！！黎食日本野又点少得刺身呢！千両有好多款刺身又有d刺身拼盘，不过个人觉得刺身拼盘冇咁抵食同唔系好适合三个人，所以都系拣定一款黎叫好过！最后叫左三文鱼腩刺身！虽然只得四片亦唔系厚切，但刺身非常新鲜，咬落去d三文鱼油即刻喺口腔入面涌出黎，成个口充斥住呢种三文鱼油香！好正呀！！不过食三文鱼腩刺身真系一至两片就啱啱好，为食食得多嘅话随时会太腻搞到唔想食其他野图中呢样系牛油果
千両分店都好多，而且据讲食物质素间间会有唔同就算系食物供应都可能有唔同，一年几前就同女朋友仔食过中环果边，今次就试下尖沙咀啦！收工过黎食比较方便呀嘛大约夜晚七点半黎到，都唔洗等位可以直入餐厅环境梗系比同集团嘅元气更好（梗系啦连价钱都高好多）打开menu都有好多野想食，今次三个人就唔怕叫多d喇！
本人就非常钟意食牛舌，基本上去亲一间餐厅如果系有牛舌嘅话都会叫，今次都叫左两串烧牛舌！即叫即烧，送上枱果阵热辣辣，烧嘅火喉啱啱好，牛舌外层干身内里软熟，又有牛舌独特嘅香味！呢样烧得好好食！！
黎食日本野又点少得刺身呢！千両有好多款刺身又有d刺身拼盘，不过个人觉得刺身拼盘冇咁抵食同唔系好适合三个人，所以都系拣定一款黎叫好过！最后叫左三文鱼腩刺身！虽然只得四片亦唔系厚切，但刺身非常新鲜，咬落去d三文鱼油即刻喺口腔入面涌出黎，成个口充斥住呢种三文鱼油香！好正呀！！不过食三文鱼腩刺身真系一至两片就啱啱好，为食食得多嘅话随时会太腻搞到唔想食其他野
图中呢样系牛油果炸软壳蟹卷，有四件价钱亦唔算贵，呢类型嘅卷物最紧要就系中间嘅炸物会唔会成口油，牛油果本身都系偏油脂类型嘅蔬果，如果中间嘅炸物又系炸到劲油嘅话就好易弄巧反拙搞到好难食但呢份小卷就冇呢个问题喇！炸软壳蟹非常出色唔会一咬落去就咇晒d油出黎而牛油果亦都切得较薄咁就唔会油上加油喇！出色！
呢锅系清酒煮蚬，上枱之后会再帮你点火加番热个锅，主角呀蚬来头应该唔细，唔系d普通蚬，食落一d沙都冇而且只只都大大只兼且非常鲜甜，食蚬最紧要系冇沙同鲜甜，好多地方煮蚬都会靠d汁 啫系清酒果d 用浓味去盖过蚬嘅唔新鲜嘅腥味，但呢到完全唔需要，每只蚬都系爽口鲜甜而佢嘅汤汁只系用作提鲜而唔系遮丑布！又一碟出色嘅食物！
咁又点少得寿司呢！寿司唔止呢碟不过之后上枱果d唔记得左影，所以得呢碟有图呢碟寿司有荣螺，帆立贝，螺片，中拖罗，和牛，赤虾同鳗鱼！荣螺好抵食！22蚊两件，而且螺肉非常大块，咬落弹牙但螺味唔算太重，不过都系新鲜同抵食嘅！帆立贝就非常出色，我就食生嘅两位女士食火灸，帆立贝肉质厚实，口感爽滑，而且有好香嘅帆立贝味！非常鲜甜！！呢件帆立贝非常出色！螺片亦都系22蚊两件，而且个人钟意佢仲多过荣螺，因为荣螺系弹牙肉厚果种，但螺片就系爽脆嘅质感，系完全两回事黎，都系非常抵食！中拖罗！！虽然成三十几蚊一件但实在系物有所值！中拖罗鱼油非常充足但唔会油到过火果种，鱼身依然保持干爽啫系新鲜切出黎唔会摆左好耐！呢一类型咁足鱼油嘅寿司一摆得耐就会见到有油流出黎，当见到咁情况其实好危险，净明佢解冻左好耐或者切左之后摆左好耐，非常易滋生大量细菌！不过呢到当然冇呢个问题啦！肉身颜色光泽一睇就知系正野！好多地方切拖罗都有一个通病就系有筋，但呢到嘅师傅亦非常细心同好手势一d筋都冇！咁就可以尽情享受吞拿鱼独特嘅鱼油香喇！个人觉得吞拿鱼嘅鱼油系比起三文鱼油更加香更加澎湃豪迈！所以我都好钟意食中拖和牛寿司火喉都掌握得几好 目测系around 五至六成熟，呢个范围就最食到牛肉嘅质素又唔会太生，靓嘅牛要五成或者更低先系发挥到佢最大嘅牛肉香！呢到嘅和牛寿司都非常香又唔会太肥！不过我果件就有筋有渣，有d失望喇火灸赤虾我系冇食到因为我食左生嘅赤虾寿司大大只 非常新鲜甘香！正呀呢碟最后介绍嘅系鳗鱼寿司，价钱亦唔贵好似三十几蚊两件，而且呢度嘅鳗鱼肉质细嫩幼滑，烧得啱啱好，呢到亦提供左一包鳗鱼汁俾你自己落，我食第一件唔记得落之后先落番，发现原来两种系唔同嘅食法！如果唔落鳗鱼汁 反而食到佢嘅鳗鱼香味，而落左汁就好香浓，个人觉得唔落汁反而更好！
除左呢碟寿司之外其实仲有食到其他野不过可能食到太兴奋搞到唔记得左影相黎到千両就梗系有叫到佢地嘅千両寿司，千両寿司一件都成五十几蚊但用料绝不马虎，一件细细件嘅寿司就用上吞拿鱼腩蓉、海胆同三文鱼籽！海胆非常鲜甜一d明矾味都冇（一d预先包装好冇咁新鲜嘅海胆一般都会用明矾黎浸住作保存，但因为咁d明矾味系好难清除）、吞拿鱼腩蓉一d筋都冇而且香而不腻，配合埋三文鱼籽嘅口感同鲜甜味，三者结合埋一齐你就会发现点解一件细细件嘅寿司都值五六十蚊另外亦都叫左份汁煮鳕鱼鲛，我以前曾经喺其他食评到提过鳕鱼同银鳕鱼系有分别但好多餐厅会用鳕鱼黎扮昂贵嘅银鳕鱼黎提升自己嘅利润，不过千両开宗明义表明系鳕鱼黎，呢点都绝得一赞！重申番虽然鳕鱼冇银鳕鱼咁贵，但而家要买鳕鱼食都唔系好平嫁鳕鱼肉质结实富口感，鱼味香但鱼油唔多一般都会用黎煎或者烧，但原来用准煮嘅方法都好夹到鳕鱼，甜甜地嘅酱汁更能提升到鳕鱼独特嘅香味，正呀！！
最后梗系食下甜品先叫做完美嘅句号！女朋友仔同老妈子就叫左雪糕糯米滋，开头都有担心过会唔会系好似维记糯米滋咁，唔系话果d唔好食，咁但系黎到千両梗系想食特别d嘅野，点知真系有惊喜！呢份糯米滋嘅皮系做得非常出色，比坊间一般嘅厚，但佢厚得黎又非常烟靭，单食块皮仲有淡淡嘅糯米香！好正！而我就叫左喺日本食过就爱上左嘅水信玄饼！香港有得食水信玄饼嘅地方唔多，咁啱见到就一定会叫！水信玄饼系日本好出名嘅一种甜品单睇外貌已经非常吸引！晶莹剔透！传统食法系要捞埋黄豆粉同黑糖，因为水信玄饼本身就冇味好似台湾嘅寒天咁，咬落清凉爽口配合埋黄豆粉同黑糖就变得甜甜地但依然保持到果种清爽，唔会甜得济！好味！
总括黎讲，千両系好高质嘅日本料理店！当然价钱都有番咁上下，所以都唔会成日黎食，不过黎得呢到食就一定唔会令你失望！
张贴
