味千拉麵 (第一城中心) (已結業)

见有一段时间冇去过味千食拉面，今日经过沙田专登去试下。今次点咗全盛拉面、吉列猪扒拉面，小食叫咗蒜片牛柳粒同埋煎虾饼，饮品就叫咗两杯冻水果茶。 全盛拉面入面有好多材料，有蟹柳、叉烧、粟米、吉列虾、同埋芝士狮子狗卷，每一样材料个质素都好高，叉烧够冧够入味，芝士狮子狗卷就热辣辣，入面d芝士溶溶地口感一流 ，吉列虾就好香脆。而另外一碗吉列猪扒拉面个猪扒就超大块，而且甘香松脆，猪扒又够厚够juicy，汤底就辣嘅，够晒刺激，喺夏天食够哂开胃。总括嚟讲两个拉面嘅面底都好有传统日本风味 ，而且汤底亦如是，有机会一定会再嚟食。而虾饼就煎得金香可口，特别要重点推介蒜片牛柳粒，跟铁板上真系冇得输，可能系用咗上等和牛柳粒关系，牛柳好冧好有牛味，跟埋炸蒜片食绝对食到停唔到口，两杯新产品冻水果茶解暑之选，甜甜酸酸好好味。