蒲仙味 (已搬遷) 新店位置

去开深水埗，想食啲嘢唔想太heavy，见个名几特别就行去望下啱唔啱食，见都有几多种类，有汤有面有云吞等等就入去试吓。睇完餐牌拣咗炒米粉同炖汤套餐，汤就拣咗党参炖排骨，味道正常唔太差，但又无咩惊喜。米粉系好幼𠮶种，配料有蛋、菜、洋葱、葱同少少肉，都系一般嘢无咩特别，分量亦唔算多。因为客人唔多所以都坐得濶落，服务态度亦友善，可惜唔知系唔系我拣错食物，觉得无咩特别，揾唔到再帮衬嘅理由，如果钟意福建食物嘅朋友可能会觉得吸引力大啲。