吉壽日本料理 (已結業)

旺角区嘅日式放题店全港最多，质素方面集团式经营𠮶几间都会比较稳阵，好少伏。我自己都会选择坐得比较舒适嘅放题店，吉寿自从几年前装修过之后比我嘅印象好好，卡位多咗，私隐度高咗，坐得好舒服，特别系疫情期间，感觉比较食得放心。但今次嚟到比到我嘅印象就麻麻，可能疫情稳定咗，又有消费券，多咗人出街消费，食嘢。疫情开始之后我都去过4-5 次，𠮶阵呢度冇咁多人，2个人都会比4人座，3/4人会比6人座，但今次2人只可坐2人坐，即4人座一分为二，要同人搭枱，咁就坐得冇咁舒服，枱变得好细，可以摆放嘅食物唔多，每次都唔敢点太多食物，冇位放。食物质素方面感觉差咗啲。翠玉瓜有仲镬屎㶶味overcook咗。饮品方面好似选择少咗，康师傅真系麻麻地，又好似冇解茶。$175 价钱嚟讲算好抵食(17:00-19:00)另外收碟嘅速度真系要赞，效率极高，完全唔使自己开声叫佢收碟。