Prime Pho (已搬遷) 新店位置

今日见无落雨，所以去左呢间餐厅度排队。12:50pm尼到，虽然前面有6组人，但又唔系等左好耐，大约1pm就入得。餐厅冷气唔够冻，加上行到去排紧队时已经出晒汗，再食碗热pho，真系热上加热。下次真系要天气凉d先尼。我点左牛孖宝（拣左牛筋同生牛肉）$92 加萝卜 $10。呢间餐厅食过几次，对上一次食已经系多过半年前。今次质素比以前差，生牛肉好肥，一片生牛肉，2/3片都系肥膏，而汤底亦过咸，好似好多味精咁。不过，虽然系差左，但都仲系几好食，如果唔洗排队，都可以一试。除左热之外，餐厅环境都几迫。D河粉有d会痴住一饼咁，硬嘅。