君蘭餅店 (已結業)

因家住美孚，所以，不时会经过由屯马线转至荃湾线一段通道，早前就帮衬过「A-1 Bakery」嘅「青森苹果批」，而今次，就平平哋买咗「君兰饼店 」嘅出品当下午茶。 其实，佢哋出嘅瑞士卷或磅装蛋糕我哋不时都有帮衬，最钟意喺香蕉蛋糕，够味浓，又实在，仲要喺平嘛。不过，今次就唔见有，店员话呢类产品喺轮流出，时有时无。花生咖啡蛋糕 $19.5「君兰」算喺本地老牌连锁饼店，主打都喺啲基层市场，屹立到咁多年，实力有番咁上下。讲番个蛋糕，以咖啡口味嘅瑞士卷为基础，再晌外层铺满花生碎碎，睇卖相都满有期待，我哋两公婆都几钟意食花生粒，买花生酱都拣粗粒。 不过，虽然好多花生粒，但唔多脆，觉得受潮咗，幸好件瑞士卷本身唔错，蛋糕好软绵，充满咖啡香，难得中间卷起嘅忌廉唔太多，合晒老婆心水。简简单单一件瑞士卷，一杯热咖啡，为平淡嘅生活添少少「味道」。