影片
更多
2022-09-22
920 浏览
呢间点心舖总店喺新蒲岗，而家炮台山呢间啱啱开咗冇耐，喺星期日下午茶时间嚟医肚，睇下有冇伏。嗌咗6款点心加个炖汤，虾饺算收货，个皮有咬口，但略为蒸得太耐，变到透晒明，虾都算爽口湿润，不过包得太大旧，唔够精致，好易同隔离𠮶旧黐埋，整穿啲皮。虾肠已经预先裁剪咗，夹上手有啲散，肠粉皮合格，不过虾肉唔系原只，放入口散散收收咁。小笼包个皮太厚，但优点系冇咁易穿，保护到里面啲汤汁，整体嚟讲系抵食，咁嘅价我唔会对佢太挑剔。糯米饭烟韧亦好爽身，腊味都几足料，呢个价位相当满意。铁板棉花鸡用锡纸包住，有防止倒汗水嘅效果，鱼肚同滑鸡好入味，份量还可以，值得推介。比较失色系个烧卖，黑松露完全画蛇添足，建议拎走佢，收返街坊点心价钱好过。试咗螺片炖鸡汤，叫做几足料，汤浓郁，唔太油，对得住价钱。总结：同区餐厅林立，不过除咗酒楼，似样嘅点心舖唔太多，呢间其实整体质素唔太差，环境都企理，如果系街坊，或者喺附近做嘢，嚟试下新嘢都唔错。
嗌咗6款点心加个炖汤，虾饺算收货，个皮有咬口，但略为蒸得太耐，变到透晒明，虾都算爽口湿润，不过包得太大旧，唔够精致，好易同隔离𠮶旧黐埋，整穿啲皮。
虾肠已经预先裁剪咗，夹上手有啲散，肠粉皮合格，不过虾肉唔系原只，放入口散散收收咁。
小笼包个皮太厚，但优点系冇咁易穿，保护到里面啲汤汁，整体嚟讲系抵食，咁嘅价我唔会对佢太挑剔。
糯米饭烟韧亦好爽身，腊味都几足料，呢个价位相当满意。
铁板棉花鸡用锡纸包住，有防止倒汗水嘅效果，鱼肚同滑鸡好入味，份量还可以，值得推介。
比较失色系个烧卖，黑松露完全画蛇添足，建议拎走佢，收返街坊点心价钱好过。
试咗螺片炖鸡汤，叫做几足料，汤浓郁，唔太油，对得住价钱。
总结：同区餐厅林立，不过除咗酒楼，似样嘅点心舖唔太多，呢间其实整体质素唔太差，环境都企理，如果系街坊，或者喺附近做嘢，嚟试下新嘢都唔错。
张贴
