K-Roll (文咸東) (已結業)

初四咁嘅样返左工，冇乜餐厅开㖞，又唔想食太饱，就试下呢间平时因为贵得惊人而从没帮衬过嘅韩国舖。叫左牛肉K-roll，$55，贵过食个饭呀，order完5秒就有，应该系包定。包得好工整，牛肉份量慷慨，亦都有红萝卜有菜有蛋，样貌对版。不过食落冇乜韩式饭卷应有嘅麻油香味，肉亦都腌得有点怪怪的，唔系我钟意嘅味道。对唔算肚饿嘅我黎讲，都够饱，肚饿嘅日子就未必够喇。总括黎讲，觉得一直以黎冇帮衬都系明智嘅选择。