影片
更多
2018-08-04
693 浏览
外貌似系西式cafe的越南食店。入面装修、环境都几靓。同埋可能系九龙城偏贵，所以冇咁多客人。全店都偏静。而食物种类都多款，可以任你选择。不过留意一下价钱都几贵的。呢到越式法包最出名，我地点左一个越南面包$69。面包份量一般，唔算太大。净系食包就应该唔会饱。里面有好多萝卜丝、红萝卜丝、肉粒、莞茜、札肉、肉粒...仲有d沙律。食落所有味道好夹。中意食莞茜嘅人好岩，因为每啖都有莞茜夹住。面包偏硬身夹住入面相对淋身的料，一硬一软，口感几好。不过入面d料好易跌出黎，比较难进食。会好狼狈。而价钱黎讲，份量就偏少，料都唔系好丰富。再叫左个猪颈肉米纸卷$78(四件），皮比较un,入面8成都系红萝卜、萝卜丝、青瓜、米粉...而个猪颈肉细条到...味道又唔系话好大惊喜。平均$19.5件，真系好贵，唔抵食。再叫小食拼盘，有炸札肉、蔗虾、青木瓜丝沙律、炸蟹网卷、猪肉串（$142).见到份量又系各二，仲要好细。而味道都系普通炸味...相对好食d系炸札肉，好少食到。佢薄薄炸得边身有少少脆。热食不错。最后叫左呢到都出名的慢煮五花肉饭（$96)...呢个相对好食好多。肉的肥瘦均匀，不过味道偏少少甜，而饭配葱油好香。不
入面装修、环境都几靓。同埋可能系九龙城偏贵，所以冇咁多客人。全店都偏静。
而食物种类都多款，可以任你选择。不过留意一下价钱都几贵的。
呢到越式法包最出名，我地点左一个越南面包$69。面包份量一般，唔算太大。净系食包就应该唔会饱。里面有好多萝卜丝、红萝卜丝、肉粒、莞茜、札肉、肉粒...仲有d沙律。
食落所有味道好夹。中意食莞茜嘅人好岩，因为每啖都有莞茜夹住。面包偏硬身夹住入面相对淋身的料，一硬一软，口感几好。不过入面d料好易跌出黎，比较难进食。会好狼狈。而价钱黎讲，份量就偏少，料都唔系好丰富。
再叫左个猪颈肉米纸卷$78(四件），皮比较un,入面8成都系红萝卜、萝卜丝、青瓜、米粉...而个猪颈肉细条到...味道又唔系话好大惊喜。平均$19.5件，真系好贵，唔抵食。
再叫小食拼盘，有炸札肉、蔗虾、青木瓜丝沙律、炸蟹网卷、猪肉串（$142).见到份量又系各二，仲要好细。而味道都系普通炸味...相对好食d系炸札肉，好少食到。佢薄薄炸得边身有少少脆。热食不错。
最后叫左呢到都出名的慢煮五花肉饭（$96)...呢个相对好食好多。肉的肥瘦均匀，不过味道偏少少甜，而饭配葱油好香。不过份量都系好少。
野饮就好普通，纯粹个料加水咁简单，但都$30-4x一杯。
3个人食以上份量，最后仲要加一。埋单大约$540,每人$180...真系唔抵食。唔饱肚，质素又唔高，店员仲要服务得好慢...很失望。
张贴
