水戶日本料理 (已結業)

今日谂住周围行下，点知又落大雨！落到个人都冇咩心机！正想返屋企时系富盈门下面见间日式餐厅，见又唔系话太贵，所以一于试一试！入到去环境舒服干净，职员服务都好好有礼貌！今次我叫左大海虾天妇罗同牛肉寿喜烧1.大海虾天妇罗好大只呀😍😍虾身差唔多有成支筷子咁长🤤🤤虾肉咬落新鲜弹牙！炸皮松脆，加埋佢个天妇罗汁食，超正呀🤤🤤2.牛肉寿喜烧个锅非常足料，牛肉大大块，入面仲有娃娃菜、豆腐、蛋、金菇、粗粉丝等等！佢汤底唔会话过甜，我好钟意，好多地方都整到好甜。牛肉一d都唔韧，正！整体黎讲，两样野加埋都系百几蚊就食到好饱，环境舒服、食物质素良好，值得一试