天然豚骨拉麵專門店一蘭

营业中

休息中

👨🏻‍🎓讲起拉面听得最多嘅应该就系大名鼎鼎嘅过江龙一兰拉面，不过P仔最近都系第一次食佢。🥢一兰拉面嘅款式其实就净系得一款，不过可以拣好多唔同嘅嘢例如面嘅硬度、口味嘅浓度同有无葱、蒜蓉等等，当然佢都仲会有其他小食可以追加。🍜今次P仔全部嘅嘢都拣咗普通，因为系第一次食所以惊会太浓，唯一一样系面质拣咗硬，因为P仔好惊会食到啲太稔嘅面，另外仲加咗只半熟盐味多！🥘一上枱之后成碗拉面卖相都几好，味道方面豚骨汤底都几好饮几香，配埋上面有少少辣味嘅辣酱惹味好多；而面方面咬落唔会好稔，觉觉口感啱啱好，成碗拉面都几唔错，唯一系觉得叉烧有啲薄。🥚至于只盐味半熟蛋就系原只连壳另外上，入面都几溏心几唔错，不过就唔太食到系盐味，浸咗落去净系有拉面汤味同本身嘅蛋味，不过都几唔错！🍽整体嚟讲一兰拉面食落系几唔错，不过唔算好特出，价钱都偏贵嘅感觉，算系普通嘅好食，但系如果再拣P仔会宁愿食其他拉面舖多过一兰。