稜閣屋 (已結業)

夏天开冷气打边炉系人生一大乐事😂有时唔想净系食吉边咁闷，就应该要试下新口味！今次同朋友黎到Ringerhut试下芝士火锅😁星期一嘅晚上七点半到黎到，唔洗等位，基本上每枱都有人打紧边炉！我地五个叫左四个芝士火锅，另一个朋友叫左个饭。芝士火锅💰HKD69朋友就推荐我地食呢个，咁就试下啦！首先一定要试下个芝士汤！个汤系几好饮嘅，有芝士味但又唔会过份浓郁。但系整体上我都有啲失望，一黎份量真系唔算多，尤其牛肉得五块，仲要薄过纸，渌熟左已经缩到劲细块，渌完牛肉成个锅会变到好油，所以建议最后食而锅内亦有菜、粟米、芝士竹轮、芝心丸、麻吉烧、冬菇等。但系食落完全唔觉得系食紧芝士锅，纯粹只系有啲有包含芝士嘅食物，而食其他非芝士食物，都食唔到芝士味。酱料有一小兜芝麻酱。个人觉得除左个汤还好以外，其他同吉野家分别不大，甚至乎吉野家更好味。另外，要加野饮要加钱。日式滑蛋吉列炸虾丼💰HKD58有四条炸虾，一般得2-3条，所以份量都几多。汁多发布均衡，唔会变左上汤饭下白饭既情况，个汁唔会太浓味，食完唔干喉，调味岩岩好，唔会抢左炸虾嘅味道！有时食完饭再食虾会好似虾无味咁。呢个价钱都算几大碗饭，份量多味道亦不错！推荐！