牧羊少年咖啡館 (The LOHAS康城)

营业中

休息中

今晚同同事食新春开年饭，新年假期日日食中菜，今日食吓西餐，呢度装修环境都唔错，行文青路线，感觉舒适。有个二人餐$428几抵食， $500有找有齐小食，两个主菜，饮品同甜品。照烧汁煎干蒜美国牛柳粒$88小食有多款选择，我哋拣咗呢款照烧汁煎干蒜美国牛柳粒，牛柳粒煎得香口，配埋干蒜超惹味，牛柳粒软腍腍，好吃，而且份量不少。红酒烩牛面肉伴薯蓉烤澳洲西兰花 $188身为牛魔王嘅我哋，主菜都同样拣咗牛肉，呢款牛面肉好大件，牛味都几香，好腍，连埋啲好腍嘅牛筋一齐食，有啲似食牛腩feel，但比牛腩嫩滑，配埋红酒汁好入味，薯蓉香滑。虾头油凤尾虾香辣肉碎意大利粉$118意大利粉炒得好香，质地口感弹牙，凤尾虾爽口弹牙啖啖肉，肉碎鲜菇粒微辣，好惹味。饮品旭日由苹果香橙同埋红萝卜汁打成，健康冇负担，仲可以叫走冰，味道清爽香甜。牛奶可可朱古力可可味道香浓，加上忌廉，口感香滑。甜品系两杯Häagen-Dazs雪糕，可以加少少钱升级其他甜品。我哋都好饱，所以就冇升级，食呢个Häagen-Dazs雪糕都好满足。